Viral Video : पुणेकर तरुणाची भन्नाट आयडिया; नवरीच्या शोधासाठी ढोलवर लावलं पोस्टर, अटही चर्चेत

Pune Viral Video :

लग्नासाठी मुलांना मुली मिळणे दिवसेंदिवस कठीण होत चाललं आहे. या सामाजिक प्रश्नाकडे लक्ष वेधण्यासाठी पुण्यात लग्नाळू तरूणाने नवरी मिळण्यासाठी चक्क ढोलवर लग्नासाठी मुलगी पाहिजे, असं पोस्टर लावलं. हा व्हिडीओ सोशल मीडियावर प्रचंड व्हायरल होत आहे.

मुंबई, पुण्यासह सपूंर्ण राज्यभरात गणपती विसर्जन मिरवणुका मोठ्या उत्साहात पार पडल्या. पुण्यातही ढोल ताशा पथकाचा जल्लोष पाहायला मिळाला. अशातच एका लग्नासाठी आतूर तरुणाचा व्हिडीओ समोर आला आहे. सोशल मीडियावर हा व्हिडीओ व्हायरल होत आहे.

पुणे म्हटलं की पुणेरी पाट्या समोर येतात आहे. पुणेकरांची कल्पकता यातून दिसून येते. तरुण मंडळी पुण्याची ही परंपरा आता जिथे संधी मिळेल तिथे जपत आहेत, असं म्हटलं तर वावगं ठरणार नाही.

पुण्यातील ढोल ताशा पथकात ढोल वाजवणाऱ्या तरूणाने चक्क ढोलवर लग्नासाठी मुलगी पाहिजे असं पोस्टर लावलं. त्यात तरूणाने फ्लॅट , पगार आणि लग्नासाठीची खास अट असं सगळं लिहिलं आहे. आई वडिलांना सोडून राहणार नाही, असं सांगायला हा तरुण विसरला नाही. तरुणाना हा व्हिडीओ मजेशीर आहे पण एका ज्वलंत सामाजिक प्रश्नावर भाष्य करणारा आहे.