Fact Check: मच्छरांची सरकारी फॅक्टरी; डेंग्यूवर इलाज करणारा मच्छर? व्हिडिओमागचं सत्य काय?

मच्छरांची फॅक्टरी या फॅक्टरीत मच्छर बनवले जातायत. होय, फॅक्टरीत कोट्यवधींच्या संख्येनं मच्छर तयार केले जातात आणि दावा करण्यात आलाय की हे मच्छर डेंग्यूवरील डासांवरच इलाज करतो. ऐकलंत यांनीच हा दावा केलाय की, डेंग्यूंच्या डासांचं प्रमाण कमी झालंय आणि यामुळेच डेंग्यूपासून बचाव होऊ शकतो.

डेंग्यूवर अजून औषध आलेलं नाही. पावसाळ्यात अनेकांना डेंग्यू होतो. काहींचा मृत्यूही होतो. यामुळे जर डेंग्यूच्या डासावरच इलाज करणारा मच्छर असेल तर हे चांगलंच आहे...पण, ही फॅक्टरी आहे कुठे? एवढ्या मोठ्या प्रमाणात मच्छर कुठे तयार केले जातायत? याची आम्ही सत्यता जाणून घेण्यासाठी पडताळणी सुरू केली. हे भारतात असेल तर चांगलंच आहे. भारतातही असा प्रयोग झालाय का? याची आम्ही माहिती मिळवली. त्यावेळी हे संशोधन सध्या ब्राझीलमध्ये सुरू असल्याची माहिती समोर आली.

व्हायरल सत्य/ साम इन्व्हिस्टिगेशन

ब्राझीलमध्ये वोल्बाचिया बॅक्टेरियाने संक्रमित डास तयार करतात

जंगली डासांमध्ये विषाणूचा प्रसार रोखता येतो

फॅक्टरीत तयार केलेले डास जंगली डासांसोबत प्रजनन करतात

डासांमुळे डेंग्यू आणि इतर रोगाचे व्हायरस नष्ट होतो

डासांमुळे डेंग्यू, झिका, चिकनगुनियाच्या घटनांमध्ये घट

ही फॅक्टरी ब्राझीलमध्ये आहे. तिथे दरवर्षी हजारो लोकांचा डेंग्यूमुळे मृत्यू होतो.त्यामुळे संशोधन करून डासच तयार करण्यात आलेयत. याबाबत अधिक माहिती आम्ही तज्ज्ञांकडून जाणून घेतली. ही फॅक्टरी कशी आहे? कशा प्रकारे इथे मच्छर बनवले जातात पाहुयात.

मच्छर फॅक्टरी कशी आहे?

ब्राझीलच्या क्युरिटिबा शहरात मच्छरची फॅक्टरी

फॅक्टरीत 70 कर्मचारी काम करतात

डासांच्या अंड्यांमध्ये वोल्बाचिया बॅक्टेरियाचा संसर्ग सोडतात

विशेष वाहनांचा वापर करून डास शहरांमध्ये सोडले जातात.

फॅक्टरीत तयार केलेले डास जंगली डासांसोबत प्रजनन करतात आणि नवीन तयार होणाऱ्या डासांमध्ये विषाणू पसरवण्याची क्षमता कमी होतेय. त्यामुळे आमच्या पडताळणीत डेंग्यूवर इलाज करणारा मच्छर असल्याचा दावा सत्य ठरलाय.