Ambernath News: अंबरनाथमध्ये प्रचारादरम्यान महिला थेट पडली गटारात, व्हिडीओ व्हायरल

Assembly Election Video: राज्यात सध्या विधानसभा निवडणुकीची रणधुमाळी सुरु आहे. प्रचाराचा धुरळा उडला आहे. उमेदवार घरोघरी जाऊन प्रचार करत आहेत. अंबरनाथमध्ये प्रचारादरम्यान धक्कादायक घटना घडली आहे. अंबरनाथमध्ये प्रचारादरम्यान एक महिला थेट गटारात पडल्याची घटना घडली. गटाराला झाकण नसल्यानं घडलेली ही घटना सीसीटीव्हीत कैद झाली.

अंबरनाथ विधानसभेत राष्ट्रीय समाज पक्षातर्फे रिंगणात असलेले रुपेश थोरात यांचा अंबरनाथ पूर्वेच्या बी केबीन भागातील आंबेडकर नगर परिसरात प्रचार सुरू होता. यादरम्यान एक महिला झाकण नसलेल्या उघड्या गटारात पडली. यावेळी सोबतच्या कार्यकर्त्यांनी तिला बाहेर काढलं. सुदैवानं या महिलेला फारशी इजा झाली नाही. हा सगळा प्रकार सीसीटीव्हीत कैद झाला. यानंतर आता निवडणूक लढवणाऱ्या सगळ्याच उमेदवारांनी किमान गटारावर झाकणं तरी बसवण्याची मागणी अंबरनाथ पालिकेकडे करा, असा सूर उमटत आहे.