Samruddhi Highway: समृद्धी महामार्गाला हिंदूहृदयसम्राट बाळासाहेब ठाकरेंचं नाव का? मुख्यमंत्री देवेंद्र फडणवीसांनी दिलं उत्तर, म्हणाले...|VIDEO

मुंबई ते नागपूर समृद्धी महामार्गाच्या अंतिम टप्प्याचे आज मुख्यमंत्री आणि दोन्ही उपमुख्यमंत्री यांच्या हस्ते उद्घाटन पार पडले. इगतपुरी ते आमने या 76 किलोमीटर या टप्प्याचे लोकार्पण पार पडले. यावेळी मुख्यमंत्री देवेंद्र फडणवीस उपस्थितांना संबोधित करत म्हणाले, 2014 साली आमचे सरकार आल्यावर आम्ही समृद्धी महामार्गाचे स्वप्न बघितले होते. आज त्या स्वप्नाची पूर्तता झाली आहे. समृद्धी महामार्ग हा केवळ रस्ता नाहीये हा महाराष्ट्राच्या समृद्धीचा इकोनॉमिक कॉरीडॉर आहे, आणि म्हणूनच या महामार्गाला हिंदूहृदयसम्राट बाळासाहेब ठाकरे हे नाव देण्यात आले आहे. कारण या महामार्गाने महाराष्ट्राची एकात्मिता साधली आहे. महाराष्ट्राचे 24 जिल्हे हे एकमेकांना जोडले असून लवकरच हा महामार्ग आम्ही नवीन वाढवण बंदराला देखील जोडणार आहोत असे सुतोवाच मुख्यमंत्री देवेंद्र फडणवीसांनी याप्रसंगी केले