Delhi Water Shortage: दिल्लीतल्या महाराष्ट्र सदनात पाणीटंचाई, नागरिकांचे हाल!

Delhi News: गेल्या काही दिवसांपासून राजधानी दिल्लीला पाणीटंचाईच्या समस्येला सामोरे जावे लागत आहे. आता पाणीटंचाईचा फटका दिल्लीतील नवीन महाराष्ट्र सदनाला सुद्धा बसला आहे. पाणी संपल्यामुळे एका केंद्रीय मंत्र्याला चक्क बिसलरीच्या पाण्याने अंघोळ करावी लागली आहे. त्यामुळे दिल्लीतील महाराष्ट्र सदनात राहणाऱ्या लोकांचे हाल होत आहेत. महाराष्ट्र सदनाने पाण्याचे योग्यरीत्या नियोजन केले नाही म्हणून ही परिस्थिती उद्भवली आहे का? असा प्रश्न उपस्थित होत आहे.