Nanded Flood Video: नाल्याच्या पुरात अडकलेल्या विद्यार्थ्यांची मानवी साखळी करत सुटका; व्हिडीओ समोर...

नांदेड: जिल्ह्यात मागील 2 दिवसांपासून दमदार पाऊस सुरु आहे. या पावसामुळे नांदेडमधील ग्रामस्थांचं जनजीवन विस्कळीत झालं आहे. नांदेडच्या अर्धापूर तालुक्यातील खैरगाव येथील मुसळधार पावसामुळे नदी-नाल्यांना पूर आला आहे. आणि या पुरात काही विद्यार्थी अडकले होते. सायंकाळी शाळा सुटल्यानंतर विद्यार्थी घरी परतत असताना अचानक नाल्याला पूर आला आणि सर्व विद्यार्थी या पुरात अडकले. दरम्यान सर्व गावकऱ्यांनी मानवी साखळी करत या सर्व विद्यार्थ्यांची सुटका केली. रस्त्यावरील पुलाची उंची वाढवावी यासाठी अनेक वर्षांपासून हे गावकरी मागणी करत आहेत.परंतु अद्याप त्यांची ही मागणी पूर्ण झाली नसल्याने पावसाळ्यात नाल्याला पूर आला की या सर्व गावकऱ्यांना जीव धोक्यात घालून प्रवास करावा लागतो.