Vijay Shivtare News : आईचे पैसे चोरून बिड्या फुकायचो, शिवतारेंनी सांगितला किस्सा

चौथीत असताना मी बीडी प्यायचो, खुप वांड होतो अशी आठवण शिंदे गटाचे नेते विजय शिवतारे यांनी सांगितली. पुण्याच्या सासवडमध्ये गुणवंत विद्यार्थ्यांचा सत्कार सोहळा आयोजित करण्यात आला होता. तेव्हा विजय शिवतारे यांनी विद्यार्थ्यांना मार्गदर्शन केले. तेव्हा शिवतारे म्हणाले की लहानपणी मी खुप वांड होतो. आईकडचे पैसे चोरून मी बिड्या विकत घ्यायचो. चार बिड्या फुकल्यानंतर मी बेशुद्ध व्हायचो. पण शाळेत अभ्यासात मी हुशार होतो, वर्गात माझा नेहमी पहिला नंबर यायचा असेही शिवतारे म्हणाले.