VIDEO : भाजपला लोकसभेत अपेक्षित यश मिळालं नाही; आता विधानसभेसाठी मोठा प्लान!

प्रमोद जगताप | नवी दिल्ली

महाराष्ट्रात ४५ पार असा दावा करणाऱ्या भाजपला लोकसभा निवडणुकीत अपेक्षित यश मिळू शकलं नाही. भाजप- शिवसेना आणि राष्ट्रवादी काँग्रेसच्या महायुतीला १७ जागांवर विजय मिळाला होता. लोकसभा निवडणुकीत अपेक्षित यश न मिळालेल्या भाजपनं आता विधानसभेसाठी मोठा प्लान केला आहे. लोकसभा निवडणुकीत अपेक्षित यश न मिळालेला भाजप या मुद्द्यावर चर्चा करणार आहे. भाजपनं पुढील आठवड्यात मंथन बैठक आयोजित केली आहे. रामभाऊ म्हाळगी प्रबोधिनीमध्ये ही बैठक होणार आहे. या बैठकीला भाजपचे महाराष्ट्रातील २० वरिष्ठ नेते उपस्थित राहणार आहेत. लोकसभा निवडणुकीवेळी झालेल्या चुका टाळून विधानसभा निवडणुकीसाठी या बैठकीत रणनीती ठरवण्यात येणार आहे.