Video : पुण्यात नदीपात्रात २ तरुण अडकले, पाहा नांदेड सीटीनजीकचा थरारक Video

पुणे जिल्ह्यात मुसळधार पाऊस सुरू आहे. त्यामुळे धरणांमधून मोठ्याप्रमाणात विसर्ग सुरू झाला असून नद्यांच्या पाणी पातळीत वाढ झाली आहे. दरम्यान पुण्याच्या नांदेड सीटीजवळ दोन जण नदीपात्रात मध्यभागी अडकले आहेत. त्यांना बाहेर काढण्यासाठी अग्नीशमन दल, पोलीस घटनास्थळी दाखल झाले आहेत. स्थानिकांच्या मतीने त्यांना बाहेर काढण्याचं काम सुरू आहे. जवळपास तासभरापासून दोन तरुण नदीपात्रात अडकले आहे. पुण्यात गेले दोन दिवस मुसळधार पाऊस सुरू आहे. त्यामुळे धरणांच्या पाणीपातळीत पुन्हा वाढ झाली आहे. खडकवासला धरणातून मोठ्या प्रमाणात विसर्ग सुरू आहेत. त्यातच हे तरुण नदी गेले होते. मात्र पाणी पातळीत अचानक वाढ झाल्यामुळे ते अडकून पडले. दोघांनी नदीपात्रात खडकाचा आधार घेतला आहे.