VIDEO: 112 वर्ष जुना Sion उड्डाणपूल 'या' तारखेपासून वाहतूकीसाठी बंद

मुंबईकरांसाठी महत्त्वाची बातमी समोर येत आहे. १ ऑगस्टपासून शीव उड्डाणपूल वाहतुकीसाठी बंद करण्यात येणार आहे. वांद्रे-कुर्ला संकुल, कुर्ला एलबीएस मार्ग, धारावी आणि शीव यांना जोडणारा हा पूर पाडण्यात येणार असून हा उड्डाणपूल बंद झाल्याने मुंबईतील वाहतूक कोंडीची समस्या वाढण्याची शक्यता आहे. शीव उड्डाणपूल हा ११२ वर्षे जुना असून हा पूल जीर्ण झाल्याने पाडण्यात येणार आहे. गेल्या महिन्यातच या पुलावरुन अवजड वाहतूक बंद करण्यात आली होती. पण आता पुलावरील वाहतूक पूर्णतः बंद करण्यात आली आहे. जुलै २०२६ दोन वर्षांच्या कालावधी पर्यंत नवीन पूल बांधण्याचं लक्ष ठेवण्यात आल्याची माहिती समोर येत आहे.