VBA News : आधी काळे फासले, मग चाबकाने केली मारहाण; केज मतदारसंघातील घटनेने खळबळ | VIDEO

केज मतदारसंघातील एका अपक्ष उमेदवाराला वंचित बहुजन आघाडीचा पाठिंबा दिला. मात्र या उमेदवाराने भाजप उमेदवाराला पाठिंबा दिल्याने संतप्त वंचितचे पदाधिकारी आक्रमक झालेले बघायला मिळाले. यावेळी त्यांनी या उमेदवाराला आधी काळे फसून नंतर मग चाबकाने केली मारहाण देखील केली आहे. या घटनेनंतर परिसरात तणावाचं वातावरण निर्माण झालं आहे.

बीडच्या केज मतदार संघात वंचित बहुजन आघाडीच्या उमेदवाराचा नामांकन अर्ज अवैध ठरल्यानंतर वंचित बहुजन आघाडीने अपक्ष उमेदवार सचिन चव्हाण यांना पाठिंबा दर्शवला होता. मात्र सचिन चव्हाण या अपक्ष उमेदवाराने भाजप उमेदवाराला पाठिंबा दिल्याने वंचितचे पदाधिकारी आक्रमक झाले आहेत. भाजप उमेदवाराला पाठिंबा का दिला? म्हणून वंचितचे जिल्हाध्यक्ष शैलेश कांबळे यांनी अपक्ष उमेदवाराला आधी काळे फासलं. त्यानंतर चक्क चाबकाने फटके दिले. एवढेच नाही तर त्याचा व्हिडिओ काढून माफी देखील मागायला लावली. घटना केज राखीव मतदारसंघातील अंबाजोगाई शहरातील आहे. या घटनेनंतर जिल्ह्यात एकच खळबळ माजली आहे. दरम्यान या प्रकरणी अद्याप पोलिसात कसल्याच गुन्ह्याची नोंद झाली नाही.

Edited By Rakhi Rajput