Video : पंतप्रधान मोदींच्या हस्ते वाढवण बंदराचं भूमिपूजन, बंदराला मच्छिमारांचा विरोध

पंतप्रधान नरेंद्र मोदी यांच्या हस्ते आज पालघर मध्ये वाढवण बंदराच्या भूमिपूजनाचा सोहळा पार पडणार आहे. मात्र स्थानिक मच्छिमारांचा या बंदराला विरोध आहे. या बंदराचा प्रभाव त्यांच्या उपजीविकेवर होईल अशी मच्छिमारांची भीती आहे. त्यामुळे स्थानिक मच्छिमार त्यांच्या आंदोलनावर ठाम आहेत. बोटींना काळे फुगे लावत तसेच हवेत काळे फुगे सोडत निषेध नोंदवण्यात आला आहे. गेल्या पंचवीस वर्षापासून स्थानिक आणि मच्छीमारांकडून या बंदराला विरोध होत असतानाच विरोध डावलून केंद्र सरकारकडून हे बंदर उभारण्यात आल्याने स्थानिक आणि मच्छीमारांकडून तीव्र संताप व्यक्त करण्यात येत आहे. या सोहळ्याला पंतप्रधान नरेंद्र मोदी, राज्यपाल राधाकृष्णन, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार तसेच राज्यातील आणि केंद्रातील अनेक मंत्री या सोहळ्याला उपस्थित राहतील.