Unseasonal Rain : सोलापुरात अवकाळी पावसामुळे टरबूज उत्पादकांचं नुकसान, VIDEO

राज्यात सध्या उन्हाचा तडाखा वाढत असला, तरी काही भागांमध्ये अवकाळी पावसाने जोरदार हजेरी लावली आहे. विशेषतः सांगली आणि सोलापूर जिल्ह्यांमध्ये या पावसामुळे मोठ्या प्रमाणावर शेतीचे नुकसान झाले आहे.

उन्हाळ्यात सर्वाधिक खाल्ले जाणारे फळ म्हणजे टरबूज. वर्षातून एकदाच या फळाला मोठी मागणी असते, त्यामुळे याच हंगामात त्याचे उत्पादन घेतले जाते. मात्र, अवकाळी पावसामुळे टरबूजाच्या शेतीचे मोठे नुकसान झाले असून, शेतकऱ्यांवर आर्थिक संकट ओढवले आहे.

या नुकसानीमुळे शेतकरी मोठ्या चिंतेत असून, सरकारने तातडीने आर्थिक मदत द्यावी आणि नुकसानग्रस्त शेतकऱ्यांना दिलासा द्यावा, अशी मागणी केली जात आहे.