उद्धव ठाकरेंना पुन्हा हादरा, आता १४ आमदार फुटणार? शिंदेंच्या आमदाराच्या दाव्याने खळबळ

माजी मुख्यमंत्री उद्धव ठाकरे यांना पुन्हा एकदा फुटीचा फटका बसला आहे. चार वर्षांपूर्वी एकनाथ शिंदेंनी उद्धव ठाकरेंची साथ सोडून मुख्यमंत्रि‍पदी विराजमान झाले होते. त्यावेळी एकनाथ शिंदे यांच्या नेतृत्वात ४० आमदार फुटले होते. तर काही दिवसांपूर्वी ठाकरेंचे तब्बल ६ खासदार फुटल्याचे समोर आलं आहे. मशाल चिन्ह घेऊन निवडणूक लढलेले ६ खासदार शिंदे सेनेत प्रवेश करण्याची चर्चा आहे. खासदारांनंतर आता आमदार देखील फुटणार असल्याची चर्चा आहे. ठाकरे गटाचे १४ आमदार फुटणार असून ते शिंदे सेनेत प्रवेश करणार असल्याचा दावा आमदार संतोष बांगर यांनी केला आहे. संतोष बांगर यांच्या दाव्याने राजकीय वातावरण ढवळून निघालं आहे. तर पर्यटनमंत्री शंभूराज देसाई यांनी ठाकरे गटाच्या आमदार फुटणार असल्याचे संकेत दिले आहेत. आमदारांच्या फुटीचं संकेत दिल्याने उद्धव ठाकरे यांचं टेन्शन वाढल्याचं पाहायला मिळत आहे.