उद्धव बाळासाहेब ठाकरे यांच्या शिवसेनेला मराठवाड्यात मोठा धक्का बसला असून शिवसेनेचे राज्य सचिव असलेले डॉ.संजय लाखे पाटील यांनी आपल्या सचिव पदाचा राजीनामा दिलाय . आपल्या राजीनामा पत्रात लाखे पाटील यांनी उद्धव ठाकरे यांनी दिलेला शब्द पाळला नसल्याचं सांगत, संजय राऊत आणि विरोधी पक्षनेते अंबादास दानवे यांच्या वरती गंभीर आरोप केलेत. लाखे पाटील यांनी उद्धव ठाकरे यांनी आपल्याला जालना लोकसभेसाठी उमेदवारी देण्याचं आश्वासन दिलं होतं मात्र ते त्यांनी पाळलं नाही.
याशिवाय शिवसेना खासदार संजय राऊत यांनी जयंत पाटलांशी विशिष्ट समझोता करून सांगली लोकसभेची जागा घेऊन पराभव पदरात पाडून घेतल्याचा आरोप केलाय, दरम्यान रावसाहेब दानवे यांचे शिष्यत्व निभावत विरोधी पक्षनेते अंबादास दानवे यांनी जिंकता येणारी जालना लोकसभेची जागा आपल्याकडे येणार नाही याची काळजी घेतल्याचे देखील त्यांनी म्हंटलय. याशिवाय सध्या मराठवाड्यात अंबादास दानवे यांच्याकडून राबविण्यात येणाऱ्या कार्यक्रमाची मूळ संकल्पना ही आपली होती मात्र हाच चोरलेला कार्यक्रम घेऊन अंबादास दानवे फुकट कौतुक पदरात पाडून घेत असल्याचा आरोप देखील त्यांनी राजीनामा पत्रात केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.