Maharashtra Politics: फडणवीसांची ठाकरेंना काल ऑफर, आज दोघांमध्ये बंद दाराआड चर्चा; राज्याच्या राजकारणात काय चाललंय? | VIDEO

राजकीय वर्तुळात अनेकांच्या भुवया उंचवणारी बातमी समोर येत आहे. शिवसेना ठाकरे गटाचे पक्षप्रमुख उद्धव ठाकरे यांनी आज मुख्यमंत्री देवेंद्र फडणवीस यांची भेट घेतली आहे. यावेळी त्यांच्यासोबत आदित्य ठाकरे हे देखील उपस्थित होते. या दोन्ही नेत्यांमध्ये अर्धा तास चर्चा झाली. विशेष म्हणजे काल मुख्यमंत्री देवेंद्र फडणवीस यांनी उद्धव ठाकरेंना आपल्याकडे येण्याची खुली ऑफर दिली होती. यानंतर चर्चांना उधाण आले आणि आज दोघांची बंद दाराआड चर्चा झाल्याने वेगवगळे तर्क वितर्क लावले जात आहे. सूत्रांनी दिलेल्या माहितीनुसार, विधानसभेतील विरोधी पक्षनेतेपदाबबात चर्चा करण्यासाठी ते फडणवीसांच्या दालनात पोहोचले. या भेटीपूर्वी त्यांनी आपल्या आमदारांसोबत चर्चा केली होती. सरकार स्थापन झाल्यापासून दोन अधिवेशन विरोधी पक्षनेतेपदाविना झाली. यामुळे या बैठकीत विरोधी पक्षनेतेपदा संदर्भात चर्चा झाल्याचे सांगितले जात आहे.