VIDEO : लाडकी बहीण योजनेच्या मुद्द्यावरून Uddhav Thackeray यांचं शिंदे सरकारवर टीकास्त्र

महाविकास आघा़डीच्या मेळाव्यातून बोलत असताना उद्धव ठाकरे यांनी सरकारवर निशाणा साधला आहे, सध्या मुख्यमंत्री माझी लाडकी बहीण योजनेचे पैसे,महिलांच्या खात्यात जमा होण्यास सुरूवात झाली आहे. पण याच योजनेवरून ठाकरेंनी सरकारला सवाल करत धारेवर धरलं आहे.

घोषणा केल्यात, 'लाडकी बहीण योजना' पण पैसे कुठून आणायचे? असं म्हणत ठाकरेंनी सरकारला सवाल केला आहे. 'कोर्ट सांगतंय नुकसान भरपाई द्यायला पैसे नाहीत तुमच्याकडे' , तुमची लाडकी बहीण योजना बंद करायची का? अशी टीका करत खोचक टोला ठाकरेंनी लगावला आहे. मागे मोदींनी 15 लाख सांगितले पण 15 लाखांवरुन डायरेक्ट 1500 वर आले, असं म्हणत ठाकरेंनी मोदींवर सुद्धा निशाणा साधला आहे. सरकार पाडायला 50 खोके आणि लाडक्या बहिणीला 1500 रुपये असं का? हा प्रश्न विचारतं सरकारी योजनेवर ठाकरेंनी घणाघात केला आहे.