Maharashtra Politics: उद्धव ठाकरे पुन्हा भाजपसोबत? रवींद्र चव्हाण म्हणाले,राजकारणात कोणी कायमचा शत्रू नसतो | VIDEO

भाजपचे नवनियुक्त प्रदेशाध्यक्ष रविंद्र चव्हाण यांनी आज साम टीव्हीच्या ब्लॅक अँड व्हाईट या विशेष कार्यक्रमाला मुलाखत दिली. यावेळी त्यांनी अनेक राजकीय आणि त्यांची प्रदेशाध्यक्षपदापर्यंतचा प्रवास सांगितला. तसेच गेल्या काही दिवसांपासून शिवसेना ठाकरे गटाचे प्रमुख उद्धव ठाकरे हे मुख्यमंत्री देवेंद्र फडणवीस यांच्याशी अतिशय मित्रत्वाच्या नात्याने बोलताना दिसत आहे.

विधिमंडळाच्या पावसाळी अधिवेशना दरम्यान फडणवीस यांनी ठाकरे यांना सत्तेमध्ये येण्याची ऑफर देखील दिली होती. अगदी काही दिवसांपूर्वी मुंबईच्या हॉटेलमध्ये फडणवीस आणि आदित्य ठाकरे यांची देखील भेट झाली होती. फडणवीस यांच्या वाढदिवसाच्या दिवशी ठाकरे यांनी कौतुकाचा वर्षाव केला होता. यावरच रविंद्र चव्हाण यांना विचारले असता की भविष्यात युती होऊ शकते का? यावर ते म्हणाले, राजकारणात कोणीही कायमचा मित्र किंवा शत्रू नसता यामुळे कधीही काही होऊ शकते असे सुतोवाच रविंद्र चव्हाण यांनी केले.