Dombivali MIDC Blast : डोंबिवली MIDC मध्ये आणखी तीन मृतदेह आढळले, मृतांचा आकडा आठवर

डोंबिवली एमआयडीसीमध्ये स्फोट झाला होता. या स्फोटात आणखी तीन जणांचे मृतदेह आढळले आहेत. त्यामुळे मृतांचा आकडा आठवर गेला आहे. तसेच जखमींची संख्या ही ६४ इतकी आहे. स्फोटाच्या ठिकाणी अजूनही बचावकार्य सुरू आहे. तसेच इथे आणखी काही लोक अडकल्याची भिती व्यक्त केली जात आहे. दुसरीकडे मुख्यमंत्री एकनाथ शिंदे यांनी जखमींची भेट घेतली आहे. या दुर्घटनेत ज्यांचा मृत्यू झाला आहे त्यांच्या नातेवाईकांना ५ लाख रुपये मदत देण्याची घोषणा शिंदे यांनी केली आहे. तसेच जे जे धोकादायक उद्योग आहेत ते बंद करणार असेही शिंदे म्हणाले.