Eknath Shinde News | एकनाथ शिंदेंसमोरच ठाकरे गटाच्या पन्नास खोकेच्या घोषणा, शिंदेंनी दिले उत्तर

नाशिक : नाशिकमध्ये मुख्यमंत्री एकनाथ शिंदे यांचा रोड शो सुरू होता. तेव्हा ठाकरे गटाचे कार्यकर्ते आणि शिंदे गटाचे कार्यकर्ते आमने सामने आले. ठाकरे गटाच्या कार्यकर्त्यांनी एकनाथ शिंदेंसमोरच पन्नास खोके एकदम ओके अशा घोषणा दिल्या. तेव्हा एकनाथ शिंदे यांनीही धनुष्यबाण दाखवून ठाकरे गटाच्या कार्यकर्त्यांना प्रत्युत्तर दिलं. नाशिकमध्ये एकनाथ शिंदे हेलिकॉप्टरने आले, तेव्हा पोलिसांनी त्यांची बॅग तपासली होती. शिंदे या बॅगांमधून पैसे नेतात असा आरोप ठाकरे गटाचे नेते संजय राऊत यांनी केला होता.