Sharad Pawar : सांगोल्यार ठाकरे गट - शेकाप राजकारण तापलं, पवारांचा पाठिंबा नेमका कोणाला?

सांगोल्यामध्ये शरद पवार यांच्या पाठिंब्यावरून ठाकरे गट आणि शेकापमध्ये चांगलंच राजकारण तापलेलं बघायला मिळत आहे. एकीकडे शेकापने पवारांचा पाठिंबा असल्याचा दावा केला आहे. तर दुसरीकडे शिवसेना ठाकरे गटाचे उमेदवार दीपक साळुंखे यांनी शरद पवार यांचे आशीर्वाद घेऊनच मी शिवसेना ठाकरे गटात प्रवेश केल्याचा मोठा गौप्यस्फोट केला आहे. त्यामुळे शरद पवार यांच्या पाठिंब्यावरून सांगोल्यात आता राजकारण रंगू लागलं आहे.

महाविकास आघाडीतील तिन्ही पक्षांनी आणि शरद पवार यांनी माझ्या उमेदवारीला समर्थ दिलं आहे. त्यामुळेच शरद पवार यांचे आशीर्वाद घेऊनच मी ठाकरे गटात प्रवेश केला आहे, असं दीपक साळुंखे यांनी म्हंटलं आहे. तर आम्ही महाविकास आघाडीतच आहे, आम्हाला शरद पवार साहेबांचा पाठिंबा आहे. त्यामुळे पवार साहेब म्हणतील त्याप्रमाणे आम्ही करू, असं शेकापचे नेते जयंत पाटील यांनी म्हंटलं आहे. त्यामुळे आता शरद पवार यांचा पाठिंबा नेमका कोणाला? असा प्रश्न उपस्थित होत आहे.

Edited By Rakhi Rajput