VIDEO : विश्वविजेत्या टीम इंडियाला घेऊन जाणारी ओपन डेक बस मरीन ड्राइव्हच्या गर्दीत अडकली!

Team India Victory Celebration : विश्वविजेत्या भारतीय संघातील खेळाडू मुंबईत पोहोचले आहेत. टी २० वर्ल्डकप ट्रॉफी जिंकून अवघ्या भारतीयांचे स्वप्न १७ वर्षांनंतर पूर्ण करणाऱ्या भारतीय खेळाडूंच्या स्वागतासाठी मुंबईकरांनी तोबा गर्दी केली आहे. मुंबईतील मरीन ड्राइव्हवर चाहत्यांची जणू लाट आली आहे. उत्साहाला उधाण आलं आहे. लाखोंच्या संख्येने मरीन ड्राइव्हवर गर्दी केली आहे. जगज्जेत्या खेळाडूंची ओपन डेक बसमधून विजयी मिरवणूक काढण्यात येणार आहे. मरीन ड्राइव्ह ते वानखेडे मैदानापर्यंत ही विजयी मिरवणूक काढली जाईल. पण ज्या ओपन डेक बसमधून टीम इंडियाच्या खेळाडूंची मिरवणूक काढली जाणार आहे, ती बस या चाहत्यांच्या अलोट गर्दीत अडकली आहे.