Virar: विरारमध्ये सूर्या धरणाची मुख्य पाईपलाईन फुटली, ३० ते ४० फूट उंच पाण्याचे फवारे उडाले; VIDEO व्हायरल

मुंबई-अहमदाबाद राष्ट्रीय महामार्गालगत विरारच्या खानिवडे हद्दीत सूर्या धरणाची मुख्य पाईपलाईन फुटल्याची घटना रात्री 10 वाजताच्या सुमारास घडली आहे. पाईपलाईन फुटल्यानंतर तब्बल 30 ते 40 फूट उंच पाण्याचा मोठा फवारा आकाशात उडताना दिसून आला. या घटनेमुळे लाखो लिटर पाणी महामार्गावरून वाहून जात वाया गेल्याचे समोर आले आहे. सूर्या धरणाची पाईपलाईन नेमकी कशामुळे फुटली, याचे कारण अद्याप स्पष्ट झालेले नाही. घटनेनंतर परिसरात काही काळ नागरिकांची गर्दी झाली होती. एकीकडे वसई-विरार शहरातील नागरिक अनेक दिवसांपासून तीव्र पाणीटंचाईचा सामना करत आहेत, तर दुसरीकडे अशा प्रकारे मोठ्या प्रमाणात होणारी पाण्याची गळती प्रशासनाच्या कामावर प्रश्नचिन्ह निर्माण झाले आहेत.