Supriya Sule News : लहान मुलांनी आता दूधसुद्धा प्यायचं नाही ? सुप्रिया सुळेंचा सरकारला सवाल

दूध संकलनसाठीच्या कॅनवर १२ टक्के जीएसटी लागणार आहे. यावरून शरद पवार गटाच्या खासदार सुप्रिया सुळे यांनी राज्य सरकारला प्रश्न विचारले आहेत. जीएसटी परिषदेतमहाराष्ट्राच्या वतीने कोण गेलं होतं ? महाराष्ट्रातल्या प्रतिनिधींनी याचा विरोध का नाही केला ? असे सुळे म्हणाल्या. तसेच आम्ही जेव्हा याबद्दल केंद्रात विचारतो त्याबद्दल आम्हाला राज्यातील लोक इथे येतात असं सांगतात. महाराष्ट्र राज्याने या निर्णयावर काय भुमिका घेतली आहे, याचे उत्तर मला पाहिजे असेही सुळे म्हणाल्या. हा निर्णय होतो तेव्हा महाराष्ट्र सरकार जीएसटी कौन्सिल मध्ये काय करत होतं, हे होऊच कसं दिलं, लहान मुलांनी आता दूधसुद्धा प्यायचं नाही का असा सवाल सुळे यांनी विचारला आहे.