Supreme Court : सुप्रीम कोर्टाचं अधिकृत युट्यूब चॅनेल हॅक !

सुप्रीम कोर्टाचं अधिकृत युट्यूब चॅनेल हॅक करण्यात आल आहे. या चॅनेलवर क्रिप्टोकरन्सी XRPचे जाहिरातीचे व्हिडिओ दाखवले जात आहे. सुप्रीम कोर्टाचं अधिकृत युट्यूब चॅनेलच हॅक झाल्यामुळे मोठी खळबळ उडाली आहे.

XRP ही क्रिप्टोकरन्सी संदर्भातील एक कंपनी आहे. या कंपनीच्या जाहिरातीचे व्हिडिओ या युट्यूब चॅनेलवर आपलोड केले गेलेले आहेत. सुप्रीम कोर्टात होणाऱ्या सगळ्या महत्वाच्या सुनावण्याचं लाईव्ह प्रक्षेपण या चॅनेलवर केलं जात असतं. मात्र हॅकर्सनी सुप्रीम कोर्टाचच यूट्यूब चॅनेल हॅक केल्यामुळे आता प्रश्नचिन्ह उपस्थित केला जात आहे. ही गोष्ट लक्षात आल्यानंतर हे चॅनेल पुन्हा एकदा रिस्टोअर करण्याचा प्रयत्न सुरू आहे. मात्र अद्यापही यात यश आलेलं नाही. याआधी कोलकत्यातील कॉलेजची सुनावणी या चॅनेलवर लाईव्ह केली गेलेली होती. त्यानंतर आता क्रिप्टोकरन्सी XRPचे जाहिरात व्हिडिओ या चॅनेलवर दिसत आहेत.