MLA Disqualification Case : आमदार अपात्रता सुनावणी प्रकरणी 'तारीख पे तारीख'!

आज होणारी आमदार अपात्रता प्रकरणाची सुनावणी पुढे ढकलण्यात आली आहे. प्रकरण नंबर १ आज दिवसभर ऐकलं जाणार असल्याने ही सुनावणी आज होणार नाही. या प्रकरणी पुढच्या बुधवार १८ सप्टेंबर रोजी सुनावणी होण्याची शक्यता आहे.

शिवसेना आमदार अपात्र प्रकरणाची सुनावणी सुप्रीम कोर्टात सुरू आहे. एकीकडे राज्यात विधानसभा निवडणुकीचे वारे वाहायला लागले आहेत. तर दुसरीकडे या सुनावणीला गेल्या काही दिवसांपासून सातत्याने लांबणीवर टाकण्यात येत आहे. या आधी ही सुनावणी २ आठवडे लांबणीवर टाकली होती. त्यानंतर आता आज देखील आमदार अपात्रता प्रकरणी सुनावणी होणार नसल्याचं समजलं आहे. येणाऱ्या १८ सप्टेंबरला ही सुनावणी होण्याशी शक्यता वर्तवली जात आहे. त्यामुळे ठाकरे गटाला पुन्हा एकदा या सुनावणीसाठी वाट बघवी लागणार आहे.