Local body Election : झेडपी, नगर पंचायतीच्या निवडणुका लांबणार? आज सुप्रीम कोर्टात फैसला होणार

Local body Election 2025 : स्थानिक स्वराज्य संस्थांमधील आरक्षणाचा आज सुप्रीम कोर्टात फैसला होणार आहे. 50 टक्क्यांची आरक्षण मर्यादा ओलांडलेल्या झेडपी, नगर पंचायतीमधील SC आरक्षणाची माहिती कोर्टानं मागवली आहे. निवडणूक आयोगानंही आरक्षण मर्यादा ओलांडल्याची कबुली दिलीय. नगरपरिषद 40 आणि 17 नगर पंचायतीमध्ये 50% आरक्षणाची मर्यादा ओलांडली गेली. त्यामुळे अतिरिक्त आरक्षणामुळे निवडणुका लांबणार का...? कोर्ट आज काय निर्णय देणार याकडे लक्ष लागलंय. (Supreme Court verdict on 50% reservation breach in ZP and Nagar Panchayat)

स्थानिक स्वराज्य संस्थांच्या निवडणुकांवर टांगती तलवार कायम आहे. कारण 28 नोव्हेंबरची सुनावणी झाल्यानंतरच जिल्हा परिषद आणि महापालिका निवडणूका जाहीर करणार असल्याची भूमिका निवडणूक आयोगाने सुप्रीम कोर्टात घेतलीय. आणि त्याला कारण ठरलंय स्थानिक स्वराज्य संस्था निवडणुकीत ओलांडलेली 50 टक्क्यांची आरक्षण मर्यादा...