VIDEO : टिंगरेंनी शरद पवारांसह काँग्रेस, शिवसेनेला कोर्टात ओढलं

शरद पवार यांना सुनिल टिंगरे यांनी नोटीस पाठवली आहे. सुप्रिया सुळे यांनी सुनिल टिंगरे यांनी नोटिस पाठवल्याचा आरोप केला होता. मात्र हा आरोप फेटाळत काल सुनील टिंगरे यांनी मात्र नोटीस पाठवली नसल्याचं सांगितलं होतं. त्यानंतर आता शरद पवार यांच्यासह काँग्रेस, शिवसेनेलासुद्धा सुनिल टिंगरे यांनी नोटीस पाठवली असल्याचं स्पष्ट झालं आहे. बदनामी केल्याप्रकरणी टिंगरे यांनी ही नोटीस पाठवली आहे.

पोर्शे कार अपघात प्रकरणी सुनील टिंगरे यांचं नाव समोर आलं होत. त्यांनी आरोपीला मदत केल्याचा आरोपही त्यांच्यावर झाला होता. त्यात शरद पवार यांनी देखील भर सभेत सुनील टिंगरे यांचं नाव घेतलं होतं. याच पार्श्वभूमीवर सुनील टिंगरे यांनी आता सगळ्यांना कोर्टात खेचलेलं आहे. दरम्यान, शरद पवार हे ईडीलासुद्धा घाबरले नाही, तुमच्या नोटिसला काय घाबरणार, असं म्हणत काल सुप्रिया सुळे यांनी सुनील टिंगरे यांच्यावर शरद पवारांना नोटिस पाठवल्याचा आरोप केला होता. त्यानंतर काल सुनील टिंगरे यांनी आपण कोणालाही नोटिस पाठवली नसल्याचं सांगितल होतं. मात्र आता आज त्यांनी शरद पवार यांच्यासह काँग्रेस, शिवसेनेला पाठवलेली नोटिस समोर आल्याने ही गोष्ट स्पष्ट झाली आहे.

Edited By Rakhi Rajput