Spicejet Emergency landing : स्पाईस जेटच्या विमानाचं इमर्जन्सी लँडिंग; १० मिनिटांसाठी ८० प्रवाशांचा जीव टांगणीला?

स्पाईस जेटच्या विमानाचं इमर्जन्सी लँडिग करण्यात आल्याची घटना समोर आली आहे. हैदराबादमध्ये या विमानाचं इमर्जन्सी लँडिग करण्यात आल्याची माहिती मिळत आहे. स्पाईस जेटचं विमान हे हैदराबादहून तिरुपतीकडे निघालं होतं. टेकऑफनंतर १० मिनिटांत विमानामध्ये तांत्रिक बिघाड झाला. विमानात बिघाड झाल्याने एटीसीने तातडीने संपर्क साधून विमान लँडिग करण्याची परवानगी मागितली. त्यांनी तातडीने विमानाला लँडिग करण्याची परवानगी दिली. या विमानात एकूण ८० प्रवासी होते. विमानातील सर्व प्रवासी सुरक्षित आहेत. विमानाचं कोणत्याही प्रकारचं नुकसान झालेलं नाही.