Flying Squirrels Video : सिंधुदुर्गात दुर्मिळ उडणाऱ्या खारीचं दर्शन; नेमकी हवेत उडते कशी? पाहा व्हिडिओ

विनायक वंजारे, साम टीव्ही

सह्याद्री पट्ट्यातील दोडामार्ग वानोशी गावातील जंगलात उडणाऱ्या खारीच दर्शन झालं आहे. ही दुर्मीळ प्रजाती आहे. विदर्भातील काही अभयारण्यात ही प्रजाती आढळते. मात्र सिंधुदुर्ग जिल्ह्यातील दोडामार्ग मध्ये ही उडणारी खार आढळून आल्यामुळे प्राणी अभ्यासकांसाठी ही पर्वणीच ठरलीये. जंगल सफारीच्या वेळी डॉक्टर श्रीकृष्ण मगदूम यांना ही उडणारी खार आढळून आलीये. या खारीला इंडियन जाईंट फ्लाईंग स्क्वीरल (Indian giant flying Squirrel ) म्हणून ओळखल जातं. या खारीचा अधीवास घनदाट जंगलात असतो. ती एका झाडावरून दुसर्‍या झाडावर जाताना हवेत सुर मारते. याच वेळी तिच्या त्वचेचा पडता उघडतो आणि ती हवेवर तरंगते. त्यामुळे तिला उडणारी खार म्हणून ओळखले जाते. ही खार दोडामार्ग तालुक्यातील वानोशी गावात आढळून आली आहे.