Solapur Rain : सीना नदीचं रौद्ररूप! पूरामुळे रेल्वे-रस्ते वाहतूक ठप्प, ९ ट्रेन रद्द, प्रवाशांचे हाल | VIDEO

सीना नदीच्या पुरामुळे सोलापूर विभागातील वाहतूक व्यवस्थेचे मोठे हाल झाले आहेत. मागील २४ तासांपासून रेल्वे आणि एसटीचे दळणवळण ठप्प झाले आहे. मंगळवार रात्री दहा पासून पुणे,कोल्हापूर,विजापूर महामार्ग आणि लोहमार्ग बंद करण्यात आले आहेत. प्रवाशांचे हाल होत असून, मालवाहतूक ही थांबली आहे. हुतात्मा,इंटरसिटीसह वंदे भारत आणि सिद्धेश्वरसह ९ गाड्या रद्द करण्यात आल्या आहेत. तब्बल ३३ गाड्यांवर परिणाम झालेला आहे. सध्या सर्व रेल्वे गाड्या ७ ते ८ तास उशिरा धावत आहेत. तसेच सोलापूर आगारातून जाणाऱ्या एसटीच्या १०० पेक्षा जास्त फेऱ्या रद्द करण्यात आल्या आहेत.अचानक वाहतूक ठप्प झाल्याने नागरिकांना अडचणींचा सामना करावा लागत आहे.