Satara News: पूल नसल्याने गावकऱ्यांचा जीवघेणा प्रवास, तुथडी भरून वाहणाऱ्या नदीतून काढली वाट; पाहा VIDEO

Satara Flood: साताऱ्यामध्ये पडणाऱ्या मुसळधार पावसामुळे नदी-नाल्यांना पूर आला आहे. अशामध्ये पाटण तालुक्यातील शिरळ गावामध्ये पूल नसल्यामुळे गावकऱ्यांना नदीतून जीवघेणा प्रवास करावा लागत आहे.

साताऱ्यातल्या पाटण तालुक्यातील शिरळ गावच्या नागरिकांचा जीवघेणा प्रवास करावा लागत आहे. याचा धक्कादायक व्हिडीओ समोर आला असून तो व्हायरल होत आहे. शेतात जाण्यासाठी या ठिकाणच्या नागरिकांना जीवघेणा प्रवास करावा लागत आहे. शेतात जाण्यासाठी मोहरी पूल नसल्यामुळे शेतकऱ्यांना जीव मुठीत घेऊन जावं लागत आहे. २०० पेक्षा जास्त लोकसंख्या असलेल्या गावातील नागरिकांची मोठी गैरसोय होत आहे. मुसळधार पावसात मोठी दुर्घटना होण्याची शक्यता आहे. याकडे प्रशासन आणि लोकप्रतिनिधींनी लक्ष देण्याची गरज आहे.

सातारा जिल्ह्यातील काही गावांमध्ये आजही मूलभूत सुविधा मिळत नाहीत आणि त्याचा थेट परिणाम गावकऱ्यांच्या जिवावर होत आहे. पूल नसल्यामुळे विद्यार्थ्यांपासून ते वयोवृद्धांपर्यंत सर्वांनाच उंच नाल्यातून, नदीतून किंवा मोडकळलेल्या लाकडी पूलावरून जीव धोक्यात घालून प्रवास करावा लागतो. पावसाळ्यात ही स्थिती अधिकच गंभीर होते. वाहणाऱ्या पाण्यातून शाळकरी मुलं, रुग्ण, महिला हे सगळे धोका पत्करून रस्ता पार करताना दिसतात. गेल्या अनेक वर्षांपासून पूल बांधण्याची मागणी प्रशासनाकडे केली जात आहे पण अजूनही कोणतीही ठोस कारवाई झालेली नाही. हा प्रश्न केवळ विकासाचा नाही, तर थेट माणसांच्या जिवाचा आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com