Mumbai : तरुणाचे केस कापून अर्धनग्न अवस्थेत काढली धिंड; मुंबईतील धक्कादायक प्रकार

नालासोपाऱ्यात कायदा आणि सुव्यवस्थेची लक्तरे वेशीवर टांगणारी एक अत्यंत धक्कादायक घटना समोर आली आहे. मोरेगाव परिसरात एका टोळक्याने भर रस्त्यात एका तरुणाचे केस कापून त्याची अर्धनग्न अवस्थेत धिंड काढली. महिलेची छेड काढल्याच्या आरोपावरून हा प्रकार घडल्याचे सांगण्यात येत आहे. हा सगळा थरार सीसीटीव्ही (CCTV) कॅमेऱ्यात कैद झाला आहे. विशेष म्हणजे, काल दुपारी घडलेल्या या गंभीर घटनेबाबत स्थानिक पोलिसांकडे अद्याप कोणतीही तक्रार दाखल झालेली नाही.

नालासोपाऱ्यात एका तरुणाचे केस कापून, एका टोळक्याने भर रस्त्यात अर्धनग्न अवस्थेत त्याची धिंड काढल्याचा धक्कादायक प्रकार उघडकीस आला आहे. तरुणाने एका महिलेची छेड काढल्याने त्याची धिंड काढल्याचा आरोप करण्यात येत आहे. याबाबत तुळींज पोलिसांकडे चौकशी केली असता, आमच्याकडे अशी कोणतीही तक्रार आलेली नसल्याचे सांगण्यात आले आहे.

अर्धनग्न अवस्थेत तरुण भर रस्त्यातून चालत असताना, त्याच्या पाठीमागून मोटारसायकलवर एक टोळके जात असल्याचे सीसीटीव्ही कॅमेऱ्यात कैद झाले आहे. नालासोपारा पूर्व येथील मोरेगाव परिसरातील काल बुधवारी साडेचार वाजताची ही घटना असल्याचे सीसीटीव्ही फुटेजवरून दिसत आहे.