Maharashtra Election : दोन्ही शिवसेनेत बॅनरवॉर! एकमेकांच्या उमेदवारांचे बॅनर फाडले, बोईसरमधील प्रकार

पालघरच्या बोईसरमध्ये दोन्ही शिवसेनेत बॅनरवॉर रंगलं आहे. दोन्ही शिवसेनेचे शिवसैनिक आमनेसामने आले आहेत. शिवसैनिकांनी एकमेकांच्या उमेदवारांचे बॅनर फाडले.

शिवसेना उद्धव बाळासाहेब ठाकरे पक्षाचे उमेदवार विश्वास वळवी, तर शिवसेना शिंदे गटाचे उमेदवार विलास तरे यांचे बोईसर शहरात बॅनर लागले होते. या दोन्ही उमेदवारांचे बॅनर फाडण्यात आले. बोईसर येथील सिडको परिसरात हा प्रकार घडला. यावरून दोन्ही गटाचे शिवसैनिक आमनेसामने आले होते. ही घटना समजताच, दोन्ही पक्षांचे कार्यकर्ते घटनास्थळी पोहोचले. काही पदाधिकाऱ्यांनी एकमेकांच्या पक्षाच्या पदाधिकाऱ्यांची समजूत काढण्याचा प्रयत्न केला. यावेळी काही वेळ त्यांच्यात बाचाबाचीही झाली. मात्र, घटनास्थळी पोहोचलेल्या पोलिसांनी मध्यस्थी केली.