Shirdi News: शिर्डीत साई भक्तांची फसवणूक; तीन दुकानांवर मोठी कारवाई, VIDEO

शिर्डीत रोज हजारो भाविक साईबाबांच्या दर्शनासाठी येतात. त्यांच्याकडून प्रसाद आणि शाली विकत घेण्यासाठी मोठ्या प्रमाणावर पैसे उकळले जात असल्याच्या तक्रारी प्रशासनाकडे वारंवार येत होत्या. काही दुकानदार अव्वाच्या सव्वा दर आकारून भाविकांची फसवणूक करत असल्याचे उघड झाल्यानंतर प्रशासनाने तातडीने पाऊल उचलले.भाविकांची श्रद्धा आणि धार्मिक भावना लक्षात घेऊन, फसवणूक करणाऱ्या दुकानदारांविरोधात कठोर कारवाई करण्यासाठी प्रशासन आणि स्थानिक ग्रामस्थ आक्रमक झाले आहेत. भविष्यात अशा प्रकारे भाविकांची फसवणूक करणाऱ्यांवर आणखी कठोर पावले उचलली जातील, असा इशारा प्रशासनाने दिला आहे.