Nilesh Lanke Video : 'शरद पवारांच्या नादी लागू नका, अन्यथा...'; राम शिंदेंच्या बालेकिल्यात खासदार लंकेंचा इशारा

अहमदनगर : राजकीय वर्तुळातून महत्वाची बातमी समोर आली आहे. शरद पवारांच्या नादी लागू नका, अन्यथा राजकीय नुकसान करून घ्याल, असा इशारा खासदार निलेश लंके यांनी भाजप आमदार राम शिंदे यांना दिला आहे.

'कर्जत जामखेडमध्ये शरद पवारांच्या नादी लागणे कोणाच्या डोक्यात असेल, त्यांना हात जोडून सांगतो, त्यांना पवारांचा नाद करू नका. अन्यथा राजकीय नुकसान होईल, असं खासदार लंकेंनी म्हटलं.

नेमकं काय म्हटलं?

'पवार इज पॉवर अँड पवार इज पॉवर. माझ्या बराच वेळचा डायलॉग आहे. सगळ्यांचा नाद करा, मी सर्वांना सांगतो. त्यांनाही सांगतो. लांब असेल तर मेसेज पास केला तर बरं होईल. सगळ्यांचं नाद करा, पण शरद पवारांचा नाद करू नका', असे लंके म्हणाले.