Shalini Thackeray News : मनसेचा पाठिंबा गृहित धरू नका, शालिनी ठाकरेंची आक्रमक भूमिका

लोकसभा निवडणुकांच्या दुसऱ्या टप्प्यातील मतदारसंघांसाठी लवकरच मतदान होणार आहे. महाराष्ट्रात अजूनही महाविकास आघाडी आणि महायुतीच्या जागांचा तिढा सुटलेला नाही. विशेषतः महायुतीकडून मुंबईतील दोन जागांवर अद्यपि उमेदवार जाहीर झाले नाहीत. ज्या उमेदवारांची महायुतीकडून उत्तर-पश्चिम मुंबईसाठी चर्चा सुरू आहे, अशा दोघांना भाजप आणि मनसेचा विरोध आहे. मनसे सरचिटणीस शालिनी ठाकरे यांनीही याबाबत एक्सवर पोस्ट केली आहे.

शालिनी ठाकरे यांच्या एक्स पोस्टमध्ये नेमकं काय?

शालिनी ठाकरे यांनी पोस्टमध्ये नमूद केलं की, 'मनसेला 'धनुष्य बाण' चिन्हावर लढायला सांगणार्‍यांवर दुसर्‍या पक्षातून उमेदवार आयात करण्याची नामुष्की ओढवली आहे. लक्षात ठेवा राजसाहेबांनी फक्त देशाला सक्षम नेतृत्व मिळावे यासाठी पंतप्रधान नरेंद्र मोदी यांना पाठिंबा दिला आहे. इकडून तिकडून पालापाचोळ्यासारखा उडत आलेला संजय निरुपम आणि रविंद्र वायकरसारख्या उमेदवारांसाठी महाराष्ट्र सैनिकांचा पाठिंबा गृहीत धरू नये.'