Sanjay Shirsat: ४ वेळा आमदार राहिलो आता बस झालंं; महायुतीच्या मंत्र्याकडून निवृत्तीचे संकेत|VIDEO

राज्याचे सामाजिक न्यायमंत्री आणि शिंदेंच्या सेनेचे नेते संजय शिरसाट यांनी राजकारणातून निवृत्तीचे संकेत दिले आहे. वयानुसार कधीतरी थांबायचे का? असा माझ्या मनात प्रश्न असल्याचे शिरसाट म्हणाले. यामुळे राजकीय वर्तुळात चर्चांना उधाण आले आहे.

संजय शिरसाट म्हणाले, मी दहा वर्षे नगरसेवक होतो. वीस वर्ष मी आमदार आहे. ज्याचे कधी आपण स्वप्न पाहिले नाही ते सर्व स्वप्न आपण भोगलेले आहेत. शेवटी माणसाचे वय हे त्याला काही कारणाने थांबायला भाग पाडते. आपण तिथपर्यंत विचार करायचा नाही. आपण कधीतरी थांबायचे का? असा प्रश्न माझ्या मनात आला. रोजची धावपळ आणि दगदग करण्यापेक्षा कधीतरी थांबायचे का? मी मनाशी ठरवण्याचा प्रयत्न करत आहे की थांबले पाहिजे असे त्यांनी म्हटले.