Worli Dome : वरळी डोममध्ये पाहणीदरम्यान संजय राऊत आणि प्रकाश महाजन यांची गळाभेट | VIDEO

त्रिभाषा धोरणाविरोधातील यशानंतर आज वरळी डोममध्ये होणाऱ्या विजयी मेळाव्यापूर्वी ठाकरेंच्या शिवसेना नेते संजय राऊत यांनी कार्यक्रम स्थळाची पाहणी केली आहे. यावेळी मनसेचे ज्येष्ठ नेते प्रकाश महाजन हेही उपस्थित होते.पाहणीदरम्यान संजय राऊत आणि प्रकाश महाजन यांनी एकमेकांची गळाभेट घेतली आणि सौहार्दपूर्ण वातावरण पाहायला मिळालं.दोन दशकांनंतर उद्धव ठाकरे आणि राज ठाकरे एकत्र व्यासपीठावर येणार असल्यामुळे या मेळाव्याची तयारी जोरात सुरू असून, कार्यकर्त्यांमध्ये मोठी उत्सुकता आहे.

संजय राऊतांनी कार्यक्रमाच्या तयारीचा आढावा घेतला आणि नियोजनाबद्दल समाधान व्यक्त केलं आहे. कार्यक्रम शांततेत पार पडावा यासाठी आयोजकांकडून सर्व तयारी करण्यात आली आहे.कोणताही पक्षाचा झेंडा किंवा चिन्ह न आणण्याचं आवाहनही करण्यात आलं असून, हा मेळावा महाराष्ट्राच्या राजकारणातील ऐतिहासिक क्षण ठरण्याची शक्यता आहे.