कोण संजय राऊत? मी नाही ओळखत; आरोपांवर भडकले श्रीकांत शिंदे | VIDEO

झारखंडमधील बहुचर्चित दारू घोटाळा प्रकरणात बिहार लाचलुचपत प्रतिबंधक विभागाने एसीबी सुमित फॅसिलीटी प्रायव्हेट लिमिटेडचा संचालक अमित प्रभाकर साळुंखेला अटक केली आहे. अमित साळुंखेच्या अटकेनंतर शिवसेना खासदार संजय राऊत यांनी त्याचा खासदार श्रीकांत शिंदे फौंडेशनशी संबंध असल्याचा आरोप केला आहे. त्याने सर्व पैसा श्रीकांत शिंदे फौंडेशनला वळवला असून 800 कोटींचा घोटाळा असल्याचे म्हटले आहे. यावर श्रीकांत शिंदे यांना विचारले असता ते म्हणाले, कोण संजय राऊत? मी कोणत्या संजय राऊतला ओळखत नाही. जो रोज उठून कुठलाही पुरावा न देता आरोप करतो, शिव्या शाप दिल्या जातात. याची तुम्ही देखील बाजू तपासली पाहिजे, असे श्रीकांत शिंदे म्हणाले.