Sanjay Jagtap : पुण्यात काँग्रेसला जोरदार झटका, संजय जगताप यांचा भाजपमध्ये प्रवेश | VIDEO

पुणे जिल्ह्यातील पुरंदर हवेली मतदारसंघाचे काँग्रेस पक्षाचे माजी आमदार आणि जिल्हा काँग्रेस कमिटीचे अध्यक्ष संजय जगताप आज अधिकृतपणे भारतीय जनता पक्षात प्रवेश करत आहेत. त्यांचा पक्षप्रवेश सासवड येथील पालखी मैदानावर भव्य आयोजनामध्ये होत आहे. या कार्यक्रमाला भाजपाचे नवनियुक्त प्रदेशाध्यक्ष रवींद्र चव्हाण प्रमुख उपस्थिती लावणार आहेत.

सासवड नगरी संपूर्णपणे भगव्या रंगात सजली असून, भाजपाच्या चिन्हांसह स्वागत कमानी, बॅनर्स आणि पोस्टर्स लावण्यात आले आहेत. पावसाच्या पार्श्वभूमीवर कार्यक्रमस्थळी मोठा शामियाना उभारण्यात आला असून, कार्यकर्त्यांमध्ये प्रचंड उत्साहाचे वातावरण आहे. संजय जगताप यांच्या भाजप प्रवेशामुळे पुणे ग्रामीण राजकारणात नवा राजकीय समिकरण तयार होण्याची शक्यता वर्तवली जात आहे.