Sangli News: आधी पाठलाग, नंतर धारदार शस्त्रानं वार करत...; सांगलीत 'त्या' भाजी विक्रेत्या तरुणासोबत नेमकं काय घडलं? VIDEO

सांगली शहरामध्ये एका भाजी विक्रेत्या तरुणाचा निर्घृण खून करण्यात आला आहे.शहरातल्या शंभरफुटी रोडवर पाठलाग करत धारदार शस्त्राने महेश कांबळे,या तरुणाचा खून करण्यात आला आहे. पहाटेच्या सुमारास ही हत्या झाली आहे.शंभर फुटी रोड पहाटेच्या सुमारास भाज्यांचा लिलाव पार पडतो,त्या निमित्ताने महेश हा आला असता,दोघा अज्ञातांनी कोयता व दगडांनी महेश कांबळे याच्यावर हल्ला करत हा खून केला आहे.महेश कांबळे हा भाजी विक्रीचा व्यवसाय करत होता,तसेच तो एका खुनातील आरोपी देखील होता,मात्र त्याची हत्या नेमकी कोणत्या कारणातून झाली,हे अद्याप स्पष्ट होऊ शकलं नाही,पोलीस उपाधीक्षक प्रणिल गिल्डा यांच्यासह शहर पोलिसांनी घटनास्थळी धाव घेत,पंचनामा करत मृतदेह शवविच्छेदनासाठी पाठवला असून अधिक तपास शहर पोलीस करत आहे.