Sangli News: सांगलीत काँग्रेसच्या मेळाव्यात हायवोल्टेज ड्रामा! गोंधळ नेमका कशामुळे झाला?

सांगली : सांगलीमध्ये काँग्रेसच्या मेळाव्यात एकच गोंधळ झाल्याचं पाहायला मिळालंय. वरिष्ठ नेत्यांनी कार्यकर्त्यांच्या भावना ऐकून घ्याव्यात, असं म्हणत मेळाव्यात कार्यकर्ते आक्रमक झाल्याचं पाहायला मिळालं. विश्वजीत कदम यांचं भाषण सुरु असतानाच हा सगळा प्रकार पाहायला मिळाला. विशाल पाटील यांना उमेदवारी न दिल्यामुळे सांगलीतील काँग्रेसच्या गोटात आक्रमकता पाहायला मिळाली होती. दरम्यान, आता समोर आलेल्या माहितीनुसार, सांगलीत काँग्रेसच्या मेळाव्यात हायवोल्टेज ड्रामा पाहायला मिळाला. यानंतर व्यासपीठावरुन खाली उतरुन विश्वजीत कदम यांनी कार्यकर्त्यांचं म्हणणं ऐकून घेतलं. दरम्यान, विशाल पाटील यांच्याबाबत काँग्रेस नेमका काय निर्णय घेते, हे पाहणंही तितकंच महत्त्वाचं ठरणार आहे. अपक्ष उमेदवारी भरल्यामुळे विशाल पाटील सांगलीच्या राजकारणात चांगलेच चर्चेत आले आहेत.