VIDEO : महसूलमंत्री राधाकृष्ण विखे पाटील यांच्या ताफ्यातील कारला अपघात

महसूलमंत्री राधाकृष्ण विखे पाटील यांच्या ताफ्यातील कारला शुक्रवारी रात्रीच्या सुमारास भीषण अपघात झाला. संगमनेर तालुक्यातून ताफा जात असताना ताफ्यातील भरधाव कार समोरून येणाऱ्या एका वाहनाला धडकली. अपघात इतका भीषण होता, की दोन्ही वाहनांच्या समोरील भागाचा अक्षरश: चक्काचूर झाला.

या अपघातात कारमधील दोन पोलीस कर्मचारी जखमी झाले. त्यांना उपचारासाठी रुग्णालयात दाखल करण्यात आले. दोघांची प्रकृती स्थिर असल्याची माहिती आहे. मिळालेल्या माहितीनुसार, राधाकृष्ण विखे पाटलांचा ताफा शुक्रवारी रात्री समनापूर गावातून संगमनेरकडे जात होता.

त्याचवेळी ताफ्यातील पोलिसांची कार समोरून येणाऱ्या वाहनाला धडकली. अपघातात दोन पोलीस कर्मचारी जखमी झाले. अपघातानंतर तातडीने बचावकार्य करण्यात आले. दोन्ही जखमी पोलिसांना उपचारासाठी संगमनेर येथील खाजगी रुग्णालयात दाखल करण्यात आले.