तेव्हा मी वेगळा निर्णय घेईन, नाराजी अन् पक्षबदलाच्या चर्चेवर मनसेच्या संदीप देशपांडेंचे सूचक विधान|VIDEO

ऐन निवडणुकीच्या महासंग्रामात गेल्या काही दिवसांपासून संतोष धुरी आणि संदीप देशपांडे यांची चर्चा सुरू आहे. संतोष धुरी यांनी मनसेला जय महाराष्ट्र करत कमळ हाती घेतले. त्यानंतर संदीप देशपांडे हे देखील भाजपमध्ये जाणार असल्याची चर्चा सुरू होती. यावरच संदीप देशपांडे यांनी पत्रकार परिषद घेत सविस्तर भाष्य केले आहे. ते म्हणाले, गेल्या अनेक दिवसांपासून मी नाराज असल्याच्या चर्चा सुरू आहे.

त्यामुळे माझ्या नाराजीच्या बातम्याना पूर्णविराम देणे गरजेचे आहे. मी मनसेमध्ये असून पक्षाचे काम प्रामाणिकपणे काम करतो आहे. आगामी महापालिकेच्या निवडणुकीमध्ये मनसेच्या जास्तीत जास्त जागा कशा निवडून येथील, त्यासाठी मी पूर्णपणे काम करतो आहे. असे संदीप देशपांडे यांनी सांगितले. जो पर्यंत पक्षाला माझी गरज आहे असे मला वाटते तो पर्यंत मी पक्षातच राहीन, पण ज्या क्षणी मला वाटेल की मी पक्षाचा अ‍ॅसेट नाही तर लायबिलिटी झालो, तेव्हा मी वेगळा निर्णय घेईन, असेही संदीप देशपांडे म्हणाले.