Sandip Deshpande News: महिला अत्याचारासंदर्भात वादग्रस्त वक्तव्य; जितेंद्र आव्हाड आणि मनसेमध्ये जुंपली,VIDEO

मुंबई : मनसे नेते संदीप देशपांडे यांनी आमदार जिंतेंद्र आव्हाड यांची वादग्रस्त क्लिप सोशल मीडियावर शेअर केली आहे. जितेंद्र आव्हाड आणि त्यांच्या कार्यकर्त्यामधील संवादाची ही जुनी क्लिप असल्याचे सांगत संदीप देशपांडे यांच्यावर निशाणा साधला आहे. संदीप देशपांडे यांनी ट्विट केल्यानंतर जितेंद्र आव्हाड यांनी प्रत्युत्तर दिलं आहे. राज ठाकरे मिमिक्री आर्टिस्ट असल्याने त्यांनी माझा आवाज काढल्याचा संशय जिंतेंद्र आव्हाड यांनी व्यक्त केला आहे. या क्लिपमुळे जितेंद्र आव्हाड आणि मनसेमध्ये जुंपल्याचं समोर आलं आहे.

जितेंद्र आव्हाड आणि त्यांच्या कार्यकर्त्यामधील ही जुनी क्लिप वादग्रस्त असल्याचे बोललं जात आहे. महिला सुरक्षेच्या प्रश्नावरून संदीप देशपांडे यांनी जितेंद्र आव्हाड यांच्यावर निशाणा साधला आहे. महिला सुरक्षेच्या नावावर राजकारण करणाऱ्या या राजकारण्यांचे महिलांबद्दल मत बघा, असं म्हणत संदीप देशपांडे यांनी टीका केली आहे. काही दिवसांपूर्वी शरद पवारांनी महिला सुरक्षेवरून कार्यकर्त्यांना शपथ दिली होती. त्यावरून शपथ घेतली होती ना? असं कॅप्शन संदीप देशपांडे यांनी दिलं आहे.