पुण्यात भाजपच बाजीराव, अजित पवारांना जोरदार धक्का, ठाकरेंच्या शिवसेनेला फक्त ५ जागा, वाचा एक्झिट पोलचा अंदाज

Pune exit poll results today : पुणेकरांनी भाजपच्या पारड्यात मते टाकल्याचा अंदाज एक्झिट पोलमध्ये वर्तवण्यात आला आहे. पुणे महालिकेत भाजप क्रमांक एकचा पक्ष होईल, असा अंदाज साम टीव्हीच्या सर्व्हेत व्यक्त करण्यात आला आहे. पुण्यासह राज्यातील २९ महापालिकेसाठी आज मतदान पार पडले. शुक्रवारी पुण्यात कुणाची सत्ता येणार? याचा निकाल जाहीर होणार आहे.

साम टीव्हीच्या एक्झिट पोलमध्ये पुण्यात पुन्हा एकदा भाजपचीच सत्ता येणार आहे. भाजप ७० जागा जिंकण्याची शक्यता आहे. अजित पवारांच्या राष्टवादी काँग्रेसला ५६ जाग मिळण्याची शक्यता आहे. शिंदेंच्या शिवसेनेला १२ तर ठाकरेंच्या शिवसेनेला ५ जागा मिळू शकतात, असा अंदाज वर्तवण्यात आलाय. पुण्यात काँग्रेसला ८ जागा मिळू शकतात . मनसेला २ तर शरद पवारांच्या राष्ट्रवादी काँग्रेसला १० जागा मिळण्याची शक्यता वर्तवण्यात आली.