Saif Ali Khan Attack: मध्यरात्री १.३७ ची वेळ, पाठीवर काळ्या रंगाची बॅग, संशयित हालचाली; सैफच्या हल्लेखोराचा आणखी एक व्हिडीओ समोर

बॉलिवूड अभिनेता सैफ अली खानवर हल्ला करणाऱ्या हल्लेखोराचा दुसरा व्हिडीओ समोर आला आहे. हा हल्लेखोर सैफ अली खान राहत असलेल्या इमारतीमध्ये जात असताना सीसीटव्हीमध्ये कैद झाला आहे. हा सीसीटीव्ही व्हिडीओ व्हायरल होत आहे.

सैफ अली खानवर हल्ला कणाऱ्याचा दुसरा सीसीटीव्ही व्हिडीओ समोर आला आहे. यामध्ये दिसत आहे की, यामध्ये एका व्यक्तीने तोंड लपवण्यासाठी तोंडाला गुलाबी रंगाचा गमछा बांधलेला आणि पाठीवर काळ्या रंगाची बॅग अडकवलेला दिसत आहे. हा आरोपी पायऱ्यांवरून लपून चालताना दिसत आहे. य आधी देखील हल्लेखोराचा सीसीटीव्ही व्हिडीओ समोर आला होता. त्यामध्ये तो पायऱ्यांवरून उतरताना दिसला होता.

सैफ अली खानवर हल्लेखोराने चाकू हल्ला केला होता. हल्ल्यामध्ये सैफ गंभीर जखमी झाला आहे. चाकूचा एक मोठा तुकडा सैफच्या पाठीमध्ये घुसला होता. हा चाकूचा तुकडा मानेजवळ मणक्यामध्ये घुसला होता. न्युरोलॉजिस्ट डॉ. डांगे यांनी शस्त्रक्रिया करून सैफच्या पाठीतील चाकूचा तुकडा बाहेर काढला आहे.

सैफ अली खानची प्रकृती स्थिर आहे. त्याला काल वॉर्डमध्ये शिफ्ट करण्यात आले आहे. हा हल्ला किती भयानक होता हे या चाकूच्या तुकड्यावरून समजतंय. सैफ अली खानला १० सेंटीमीटरची जखम झाली आहे. २ ते ३ सेंटीमीटरचा हा चाकूचा तुकडा आहे. या चाकूच्या तुकड्याचा फोटो समोर आला आहे.