Republic Day 2026: प्रजासत्ताक दिनी महाराष्ट्राच्या संस्कृतीचं दर्शन! चित्ररथातून घडवला गणेशोत्सवाचा अनुभव | VIDEO

आज देशाचा ७७वा प्रजासत्ताक दिन साजरा केला जात आहे. यानिमित्त कर्तव्य पथावर परेड सादर करण्यात आली होती. यामध्ये महाराष्ट्राच्या चित्ररथाचाही समावेश होता. दरम्यान, महाराष्ट्राच्या चित्ररथातून गणेशोत्सवाचे दर्शन दाखवण्यात आले आहे. महाराष्ट्राच्या सांस्कृतिक ओळखीचा मानबिंदू असलेल्या गणेशोत्सवाचे भव्य दर्शन या चित्ररथातून घडवण्यात आले आहे. गणरायाची भक्ती, लोककला, परंपरा आणि सामाजिक संदेश यांचा सुंदर संगम यामध्ये पाहायला मिळतो. देशभरात महाराष्ट्राची ओळख निर्माण करणारा गणेशोत्सव हा केवळ सण नसून लोकभावना, एकतेचा संदेश आणि संस्कृतीचे प्रतीक आहे. या चित्ररथातून गणेशभक्तीची ऊर्जा आणि महाराष्ट्राची समृद्ध परंपरा प्रभावीपणे मांडण्यात आली आहे.