रायगड जिल्ह्यात मुसळधार पावसाने थैमान घातले असून, महाड आणि पोलादपूर तालुक्यांत पूरस्थिती निर्माण झाली आहे. हवामान विभागाने आज रायगड जिल्ह्यासाठी 'रेड अलर्ट' जारी केला आहे. यामुळे प्रशासनाने महाड आणि पोलादपूरमधील शाळा व महाविद्यालयांना तात्पुरती सुट्टी जाहीर केली आहे.
गेल्या २४ तासांत महाड, पोलादपूर आणि महाबळेश्वर परिसरात मुसळधार पावसाची नोंद झाली आहे. नद्या, नाले दुथडी भरून वाहू लागले असून, सावित्री नदीच्या पाणी पातळीचा वेग प्रचंड जोरदार वेगाने वाहतो आहे. सावित्री नदी ही धोक्याच्या पातळीच्या आसपास वाहताना दिसू लागली आहे. काही ठिकाणी रस्ते बंद झाल्यामुळे वाहतूक विस्कळीत झाली आहे. त्यामुळे महाडमध्ये पूरस्थिती निर्माण झाली आहे. सखल भाग जलमय झाले असून, आजूबाजूच्या परिसरात पाणी साचताना दिसत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.